Latviya Qida və Baytarlıq Xidməti (FVS) Ermənistandan gətirilən 57,6 kq yaşıl çay partiyasında Aİ-də qadağan olunmuş pestisid aşkar edildiyini bildirib.

Gundemxebertv.com xəbər verir ki, laboratoriya testləri həmçinin iki digər pestisidlərin icazə verilən səviyyələrini aşdığını aşkar edib.

8810 nömrəli partiyada Aİ-də istifadəsinə icazə verilməyən tolfenpirad olduğu bildirilib.

Bundan əlavə, lambda-sihalotrin və tiametoksam səviyyələrinin icazə verilən maksimum səviyyələri aşdığı qeyd edilib.

Yoxlamadan sonra göndərilən məhsulun Aİ-yə daxil olmasına icazə verilməyib. Agentlik bildirib ki, bu partiyanın paylanması qadağandır: məhsullar məhv edilməli və ya Aİ xaricindəki bir ölkəyə göndərilməlidir.