Danimarka millisinin sabiq baş məşqçisi Bo Yohansson 83 yaşında vəfat edib.

Gundemxebertv.com xəbər verir ki, bu barədə “TV 2 Denmark” məlumat yayıb.

İsveçli mütəxəssis 1996-2000-ci illərdə Danimarka millisinə rəhbərlik edib. Onun baş məşqçiliyi altında komanda 1998-ci il dünya çempionatında və 2000-ci il Avropa çempionatında iştirak edib. Yohansson 1990-1991-ci illərdə İslandiya millisinin də baş məşqçisi olub.

O, məşqçilik karyerasına başlamazdan əvvəl, 1977-ci ilədək İsveçdə peşəkar futbolçu kimi çıxış edib. Yohansson klub səviyyəsində də bir sıra komandaları çalışdırıb. Mütəxəssis 1994-cü ildə “Silkeborq”la Danimarka çempionu olub.

Bo Yohansson məşqçilik fəaliyyətini 2010-cu ildə başa vurub.