Ukrayna Prezidenti Volodimir Zelenski Kiyev meri Vitali Kliçkonu Rusiya Silahlı Qüvvələrinin enerji obyektlərinə qarşı kütləvi zərbələrinə hazırlıqsız olduğuna görə tənqid edib.

Gundemxebertv.com xəbər verir ki, bəyanat siyasətçinin "Telegram" kanalında dərc olunub.

Zelenski 9 oktyabr səhəri Rusiya hərbi hücumlarından sonra Ukraynanın bir neçə bölgəsində elektrik kəsintiləri ilə bağlı iclas keçirib. O, enerji obyektlərinin qorunması üçün şəxsi məsuliyyəti regional hərbi administrasiya rəhbərlərinə həvalə edib. O, həmçinin yaxınlaşan qış fonunda enerji bərpası səylərinin ləngiməsini qəbuledilməz adlandırıb.