ABŞ Dövlət Departamenti Əfqanıstan Amerika Universitetinin növbəti iki il ərzində 25 milyon dollarlıq maliyyələşdirmə tələbini rədd edib və 2026-cı ilin sonuna qədər dəstəyini tamamilə dayandırmaq niyyətindədir.

Gundemxebertv.com xəbər verir ki, bu barədə "The New York Times" qəzeti məlumat yayıb.

Universitet  2006-cı ildə Kabildə təsis edilib və yarandığı gündən bəri ABŞ Beynəlxalq İnkişaf Agentliyindən 225 milyon dollardan çox vəsait alıb. 2021-ci ildə Talibanın (terrorçu təşkilat kimi tanınan bir hərəkat) hakimiyyətə qayıtmasından sonra xarici işçilər Əfqanıstanı tərk etdilər və tədris onlayn rejimə keçdi.

Bu qərar universitetin gələcəyini təhlükə altına qoya və yüzlərlə əfqan qadını ali təhsil almaq imkanından məhrum edə bilər. Hazırda universitetdə təxminən 980 tələbə distant təhsil alır ki, bunların təxminən dörddə üçü qadındır və təxminən 90%-i Əfqanıstanda yaşayır.