ABŞ Federal Təhqiqat Bürosu ( FTB ) Los-Anceles Beynəlxalq Hava Limanında Çinə casusluq etməkdə şübhəli bilinən bir qadını saxlayıb.

Gundemxebertv.com xəbər verir ki, agentlik bu barədə sosial mediada məlumat yayıb.

FTB-nin məlumatına görə, Kaliforniyadan olan 34 yaşlı qadın "Şanxaya uçan təyyarəyə minməzdən əvvəl" saxlanılıb. Agentlik iddia edir ki, qadın Tayvanın Baş naziri Lai Çindenin oğlunu və ailəsini təqib edir. Agentlik iddia edir ki, qadın onların evlərinin və maşınlarının şəklini çəkib və məlumatları Çinə ötürüb.

Bundan əvvəl ABŞ hüquq-mühafizə orqanları iki Çin vətəndaşını ABŞ Hərbi Dəniz Qüvvələrinə qarşı casusluq etməkdə şübhəli bilinərək həbs etmişdi.