Zimbabvenin tanınmış iş adamı Viknell Çivayo və həyat yoldaşı Lüsi Muteke də daxil olmaqla altı nəfər Maronderada helikopterin qəzaya uğraması nəticəsində həlak olub.

Gundemxebertv.com xarici mətbuata istinadən xəbər verir ki, qəzadan sonra yanacaq sızması səbəbindən helikopterdə yanğın baş verib. 

Qəzanın dəqiq səbəbi hələ müəyyən edilməyib. Texniki və məhkəmə-tibbi araşdırması başlayıb.

Enerji və infrastruktur sektorlarındakı fəaliyyətləri ilə seçilən Çivayo, nümayiş etdirdiyi dəbdəbəli həyat tərzi sayəsində sosial mediada da böyük izləyici kütləsinə sahib idi.