Çeçenistan lideri Ramzan Kadırov Rusiya Prezidenti Vladimir Putinə bölgəsinin dəstəyinə görə təşəkkürünü bildirib və xüsusi hərbi əməliyyat zonasındakı tapşırıqlar da daxil olmaqla, bütün göstərişlərin yerinə yetiriləcəyinə söz verib.

Gundemxebertv.com xəbər verir ki, 30 sentyabrda Putin yeni seçilmiş regional qubernatorlarla videokonfrans vasitəsilə görüşüb. Kadırov qeyd edib ki, Çeçenistan seçkilərində yüksək fəallıq müşahidə olunub və 95%-i keçib. Respublika həm fəallıq, həm də Vahid Rusiyaya verilən səslərin sayına görə birinci yerdədir.

Respublika rəhbəri vurğulayıb ki, bu, "ölkə prezidentinin, partiyanın və Çeçenistanın ilk prezidenti Əhməd-Hacı Kadırovun yoluna xalqın dəstəyini təsdiqləyir".

"Bütün xalq adından Çeçenistan Respublikasına göstərdiyiniz diqqətə görə sizə dərin minnətdarlığımı bildirirəm. Sizi əmin edirəm ki, Vladimir Vladimiroviç, xüsusi əməliyyat zonasındakı tapşırıqlar da daxil olmaqla, qarşıya qoyduğunuz bütün tapşırıqlar yerinə yetiriləcək", - deyə o bildirib.

Kadırov əlavə edib ki, Çeçenistan bölmələri lazım olan hər şeylə təchiz olunub və cəsarətlə xidmət edirlər.