Aleksandr Vuçiç Serbiya prezidentliyini Milli Assambleyanın sədri Ana Brnabiçə təhvil verib.

Gundemxebertv.com xarici mətbuata istinadən xəbər verir ki, təhvil-təslim mərasimi zamanı Brnabiç Vuçiçə dövlət başçısı kimi gördüyü işlərə görə təşəkkür edib.

O, siyasətçinin qarşıdan gələn siyasi kampaniyada iştirakını səbirsizliklə gözlədiyini və "bu gündən etibarən" Vuçiçin Serbiya üçün yeni bir mübarizəyə başladığını bildirib.

Serbiya konstitusiyasına görə, prezidentin səlahiyyət müddəti vaxtından əvvəl dayandırılarsa, onun vəzifələri Milli Məclisin (ölkənin ən yüksək qanunvericilik və konstitusiya orqanı) spikerinə keçir. Brnabiç üç aydan çox olmayan müddətə dövlət başçısı vəzifəsini icra edə bilər.

Assambleyanın sədri həmçinin ölkə liderinin istefasından ən geci üç ay sonra keçirilməli olan Serbiya prezident seçkilərini də planlaşdırır. Buna görə də, prezident seçkiləri dekabrın sonuna qədər keçirilməlidir.

Vuçiç sentyabrın 27-də dövlət başçısı vəzifəsindən istefa verdiyini açıqlayıb.