Fransanın cənubundakı Aubagne şəhərindəki məktəbdə şagirdin açdığı atəş nəticəsində iki nəfər yaralanıb.

Gundemxebertv.com xəbər verir ki, bu barədə Fransanın Milli Təhsil naziri Eduard Geffret "X"da məlumat yayıb. 

"Bu səhər Aubagne şəhərindəki Lacanal Kollecində Təhsil Nazirliyinin iki əməkdaşı - direktor və bir müəllim - güllələnib. İlkin məlumatlara görə, hadisənin günahkarı tələbələrdən biridir", - deyə o, yazıb.

BFMTV-nin məlumatına görə, şagirdlərdən biri 53 yaşlı direktoru ov tüfəngi ilə vurub; şahidlər ümumilikdə dörd atəş səsi eşidiblər. 37 yaşlı müəllim də yaralanıb. Hər iki məktəb işçisi omba və çanaq nahiyəsindən yaralanıb.

Atışmada şübhəli bilinən 14 yaşlı şəxs hadisə yerində saxlanılıb və qəsdən adam öldürməyə cəhd şübhəsi ilə istintaq başlayıb.